Hafístilkynningar - 2025

28. jan. 2025 12:00 - Byggt á gervitunglamynd

Hafískort teiknað eftir gervitunglamynd frá 27. janúar. Ísröndin mældist í um 80 sjómílna fjarlægð frá Barða þar sem hún var næst landi. Spáð er breytilegri átt á Grænlandssundi næstu daga.

Kort og myndir

21. jan. 2025 15:07 - Byggt á gervitunglamynd

Hafískort teiknað efir SAR gervitunglamyndum, síðustu 3 daga - 19. -21. jan. 2025, og stuðst við greiningu DMI og METNO.
Meginísröndin og mældist hún í um 90 sjómílna fjarlægð frá Barða þar sem hún var næst landi.
Ísspangir og stakir jakar geta verið handan meginlínunnar nær landi.
Á Grænlandssundi er spáð breytilegri átt 3-10 í dag. A-læg átt á morgun, 15-23 S-til, annars mun hægari. Síðan NA-átt fram yfir helgi.

Kort og myndir

Hafískort 21. janúar 2025

13. jan. 2025 11:00 - Byggt á gervitunglamynd

Hafískort var teiknað eftir SAR gervitunglamyndum frá því kl. 8:14 í morgun, mán. 13. jan. 2025.
Greina mátti meirihlutann af meginísröndinni á tunglmyndinni og mældist hún í um 65 sjómílna fjarlægð frá Barða þar sem hún var næst landi. Ísspangir og stakir jakar geta verið handan meginlínunnar nær landi.

Í síðustu viku bárust fregnir af stökum ísjökum á Húnaflóa. Á SAR myndunum frá því í morgun virðist mega greina þrjá ísjaka norðaustur af Trékyllisvík.

Spáð er austan- og norðaustanátt á Grænlandssundi í dag. Á morgun er útlit fyrir hvassa norðaustanátt á norðurhluta svæðisins, en mun hægari suðlæg eða breytileg átt á suðurhluta þess fram undir kvöld. Á miðvikudag eru horfur á hvassri norðaustanátt á stærstum hluta Grænlandssunds.

Kort og myndir

08. jan. 2025 13:00 - Flug Landhelgisgæslunnar

ís sást við Hólmavík sem var um 40 metra langur og 10 metra hár. 65°38,85´N-021°26,86´V

ísmolar sáust við Gjögur þar sem sá stærsti var um 10 metra langur og 3 metra hár. 66°00,48´N-021°19,27´V

Hnit á stökum hafís

• 65:38.85N, 21:26.86W
• 66:00.48N, 21:19.27W

Kort og myndir

Sea ice map

06. jan. 2025 14:15 - Byggt á gervitunglamynd

Hafískort dregið eftir ratsjármyndum Sentinel-1 gervitunglsins frá 6. janúar 2025 kl. 08:30. Meginísrönd var næst landi um 52 sjómílur norðvestur Barðanum. Norðaustanátt á Grænlandssundi á morgun og ætti ísinn að reka nær Grænlandi, en snýst í suðvestanátt á miðvikudag.

Kort og myndir

04. jan. 2025 22:26 - Skip

Veiðimaður hefur séð um 7 ísjaka í Húnaflóa á meðan hann var að fiska stora sem smáa. 

04. jan. 2025 22:24 - Athugun frá landi

Ég sá einn á landleið sem var Norðan við Stóraboða austan við Asparvík (læt fylgja mynd) einnig einn sem var lítill en hættilegur minni bátum grunnt á Kaldbaksvík

Kort og myndir

Asparvík eða Kaldbaksvík, séð frá land.

Asparvík eða Kaldbaksvík, séð frá land.

02. jan. 2025 12:04 - Athugun frá landi

Ísjaki um 3 km frá Blönduósi. Staðsetning fengin frá dróna: Latitude: 65° 39' 39,948" N Longitude: 20° 21' 33,324" W

Hnit á stökum hafís

• 65.661096N, 20.359257W

Kort og myndir

Sea ice map