Hafístilkynningar síðustu 30 daga
25. jún. 2026 15:00 - Byggt á gervitunglamynd
Hafískort dregið eftir myndum Sentinel 1 gervitunglsins frá 25. júní 2026. Ísinn hefur færst nær Íslandi í suðvestanáttum síðustu daga, en meginísröndin var næst landi um 61 sjómílu norðvestur af Kögri. Í dag og á morgun er útlit fyrir áframhaldandi suðvestanátt á svæðinu, en um helgina snýst vindur til norðaustlægrar áttar.
Kort og myndir
 |
23. jún. 2026 13:00 - Byggt á gervitunglamynd
Hafískort teiknað eftir Sentinel-1 gervitunglamyndum frá 22. og 23. júní. Hafísjaðarinn er nú um 74 sjómílur norðnorðvestur af Straumnesi. Útlit er fyrir hægar og breytilegar áttir á Grænlandssundi og suðvestlægari er líða fer á vikuna og ekki ólíklegt að ísjaðarinn, ásamt borgarísjökum, gæti þá færst eitthvað nær Íslandi.
Kort og myndir
 |
16. jún. 2026 17:00 - Byggt á gervitunglamynd
Hafískort dregið eftir gervitunglamyndum frá 15. og 16. júní 2026. Ekki fékkst góð mynd nema af hluta svæðisins, annars staðar þurfti að meta hafísbreiðuna í gegnum brotna skýjahulu. Meginísröndin er um 83 sjómílur norðvestur af Straumnesi þar sem hún liggur næst landi, en handbær gögn gáfu ekki góða mynd af stöðunni nær Vestfjörðum. Spáð er norðaustlægri átt á svæðinu næstu daga.
Kort og myndir
 |
08. jún. 2026 08:00 - Byggt á gervitunglamynd
Hafískort dregið eftir ratsjármyndum Sentinel-1 gervitunglsins frá 7. og 8. júní 2026. Meginísröndin var næst Íslandi um 97 sjómílur norðvestur af Straumnesi. Það er útlit fyrir norðaustanátt á svæðinu næstu daga svo meginísinn ætti ekki að reka nær Íslandi, en borgarísjakar geta þó nálgast með hafstraumum.
Kort og myndir
 |
04. jún. 2026 14:11 - Byggt á gervitunglamynd
Kortið er teiknað eftir gervitunglamynd frá 3. júní. Hafísjaðarinn var 115 sjómílur norðvestur af Straumnesi, en ísspöng var nálægt miðlínu. Útlit er fyrir norðaustlæga átt á Grænlandssundi næstu daga og líklegt að ísinn fjarlægist.
Kort og myndir
 |
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
