Hafístilkynningar síðustu 30 daga
09. nóv. 2026 11:00 - Byggt á gervitunglamynd
Hafískort var teiknað eftir SAR gervitunglamynd frá kl. 19:15, lau. 7. nóv. 2026. Greina mátti stóran hluta af meginísröndinni á tunglmyndinni og mældist hún í um 67 sjómílna fjarlægð frá Straumnesi þar sem hún var næst landi. Ísspangir og stakir jakar geta verið handan meginlínunnar nær landi.
Síðdegis í dag (mán. 9. nóv.) á vindur að snúast til suðvestanáttar sem stendur fram á þriðjudagsmorgun. Vindur gæti því fært hafísinn nær landi. Þar á eftir út vikuna og í byrjun þeirrar næstu gera spár ráð fyrir að norðaustanátt verði algengust á Grænlandssundi og þá ætti hafísinn ekki að færast nær landi af völdum vinds, en hins vegar er þá útlit fyrir mun kaldari tíð en verið hefur, sem hjálpar til við nýmyndun íss.
Kort og myndir
 |
02. nóv. 2026 10:15 - Byggt á gervitunglamynd
Hafískort dregið eftir Sentinel-1 gervitunglamynd frá 2. nóvember þar sem sést að hafísinn er farinn að þétta sig. Jaðarinn er nú kominn rétt inn fyrir lögsögu landsins og er um 67 sjómílur norðvestur frá Straumnesvita. Það sást einnig ummerki um borgarísjaka nær landinu, eða um 47 sjómílum norðvestur af Straumnesvita, en einnig geta stöku borgarísjakar verið á reki nær hafísjaðrinum og ströndum Grænlands. Næstu daga er útlit fyrir fremur ákveðnar suðvestlægar og síðar suðlægar áttir og því eru líkur á að hafís ásamt borgarísjökum geti rekið nær landi á þeim tíma.
Kort og myndir
 |
29. okt. 2026 10:13 - Byggt á gervitunglamynd
Samfellur hafís við Austurströnd Grænlands, eins myndin sýnir sem er byggð á gervitunglamyndum frá 29. október. Jaðarinn er um 100 sjómílum frá Hornströndum. Næstu daga er útlit fyrir fremur hægar suðlægar áttir svo hafís ætti ekki að reka að landi.
Kort og myndir
 |
26. okt. 2026 12:42 - Byggt á gervitunglamynd
Samfelldur hafís er farinn að myndast niður með Austurströnd Grænlands, eins og þessi mynd sýnir sem byggð er á Sentinel-1 gerfitunglamyndum frá 24-26. október. Víða á svæðinu má einnig finna borgarísjaka. Næstu daga er útlit fyrir norðaustlægar áttir og því ætti ísinn ekki að reka mikið í átt að Íslandi.
Kort og myndir
 |
19. okt. 2026 12:56 - Óskilgreind tegund athugunar
Enginn samfelldur hafís sést á gervitunglamyndum en víða má finna borgarjaka. Snýst í norðaustanátt á Grænlandssundi á morgun sem ætti að halda borgarís fjarri landinu.
Kort og myndir
 |
13. okt. 2026 10:00 - Byggt á gervitunglamynd
Hafískort byggt á gervitunglamyndum frá Sentinel tunglinu 13. október. Engan samfelldan hafís er að sjá á svæðinu, en borgarísjakar geta verið á sveimi.
Kort og myndir
 |
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
