Fréttir
Úrkomuspá fyrir laugardaginn 10. sept.
Enn er mikilli úrkomu spáð
Jafnvel hætta á vatnavöxtum, skriðuföllum og skyndiflóðum
Í nótt og á morgun ganga skil yfir landið með stífri norðanátt og mikilli úrkomu.
Búast má við talsverðri rigningu austantil á landinu í nótt en á morgun má búast við mikilli úrkomu á Norðurlandi og á Ströndum. Því getur skapast flóða- og skriðuhætta á þessum slóðum.
Í aðstæðum sem þessum er ekki hægt að útiloka staðbundin skyndiflóð sem gætu valdið tjóni, t.d. á Tröllaskaga.
Veðurstofan beinir þeim tilmælum til almennings að huga að holræsum og niðurföllum og gera viðeigandi ráðstafanir.
Fólk er beðið um að fylgjast með textaspám, sem eru áreiðanlegar og uppfærðar ört.
