Textaspá - Yfirlit
Hugleiðingar veðurfræðings
Skil fara yfir austanvert landið í kvöld, með sunnanstrekkingi og rigningu eða súld suðaustanlands í fyrstu, en annars suðvestankalda og skúrum á víð og dreif. Kólnar heldur í veðri og á morgun ríkir sunnangola eða -kaldi með smá skúrum á víð og dreif, en léttskýjuðu á Norður- og Austurlandi. Lægðardrag nálgast landið seinnipartinn á morgun og fer að rigna syðra er líður á kvöldið. Fremur svalt í veðri og nær hiti aðeins 10 stigum, þegar best lætur, en sums staðar nærri frostmarki inn til landsins.
Á fimmtudag er spáð suðvestan stinningsgolu með rigningu víða á landinu, en yfirleitt bjartviðri eystra og heldur hlýnandi veðri.
Spá gerð: 03.11.2026 15:46. Gildir til: 05.11.2026 00:00.
Veðuryfirlit
Yfir Norðursjó er víðáttumikil og nærri kyrrstæð 1041 mb hæð. Um 350 km SV af Hvarfi er 994 mb lægð.
Samantekt gerð: 03.11.2026 19:34.
Veðurhorfur á landinu
Suðvestan 8-15 m/s og lítilsháttar skúrir, en bjartviðri norðaustanlands. Hiti 6 til 13 stig í fyrstu, en kólnar síðan smám saman.
Sunnan 5-13 m/s og dálitlar skúrir á morgun, en víða léttskýjað á Norður- og Austurlandi. Austlægari vindur og fer að rigna syðst annað kvöld. Hiti 2 til 10 stig.
Spá gerð: 03.11.2026 18:07. Gildir til: 05.11.2026 00:00.
Veðurhorfur á höfuðborgarsvæðinu
Suðlæg átt, 3-10 m/s og stöku skúrir, en austlægari og fer að rigna annað kvöld. Hiti 2 til 7 stig.
Spá gerð: 03.11.2026 20:27. Gildir til: 05.11.2026 00:00.
Veðurhorfur á landinu næstu daga
Á fimmtudag:
Sunnan 5-13 m/s, hvassast vestanlands. Víða rigning, en bjartviðri um landið norðaustanvert. Hiti 5 til 11 stig.
Á föstudag:
Suðvestlæg eða breytileg átt 5-13 m/s og dálítil rigning eða súld, en skýjað með köflum og úrkomulítið norðan- og austanlands. Hiti 3 til 10 stig, mildast suðaustanlands.
Á laugardag:
Suðvestlæg átt og rigning, en að mestu þurrt norðaustantil. Hiti breytist lítið.
Á sunnudag:
Suðvestanátt með skúrum eða éljum, en að mestu bjart eystra og kólnandi veður.
Á mánudag:
Útlit fyrir breytileg átt með éljum, en bjartviðri sunnan heiða. Svalt í veðri.
Á þriðjudag:
Líklega norðlæg átt með slyddu eða snjókomu, en bjart með köflum á vestanverðu landinu.
Spá gerð: 03.11.2026 19:39. Gildir til: 10.11.2026 12:00.
Textaspár eru skrifaðar af vakthafandi veðurfræðingi á Veðurstofu Íslands.
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
