Textaspá - Yfirlit
Hugleiðingar veðurfræðings
Í kvöld verður suðlæg átt 5-10 m/s og skúrir eða rigning, en smáskúrir norðan heiða og bjart að mestu austantil.
Á morgun verður breytileg átt 3-8 m/s og áfram skúrir. Bjart að mestu norðanlands, en líkur á stöku skúrum á þeim slóðum. Hiti 6 til 13 stig.
Á þriðjudag gera spár ráð fyrir vestlægum áttum. Dálitlar skúrir á vestan- og norðanverðu landinu, en lengst af þurrt suðaustanlands. Hiti breytist lítið.
Á miðvikudag verður suðvestanátt og væta með köflum, en yfirleitt bjart austanlands. Hiti 6 til 12 stig.
Á fimmtudag snýst líklega í norðaustlæga átt og kólnar verulega á norðanverðu landinu. Mikil óvissa ríkir enn um hversu mikillar úrkomu er væntanleg en ef hún verður mikil eru líkur á slyddu jafnvel snjókomu fyrir norðan með hita um frostmark. Á sama tíma verður enn hlýtt sunnantil með rigningu, hiti 5 til 10 stig þar.
Ef spár ganga eftir gætu áhrif veðurs verið veruleg og gott væri að fylgjast með hvernig spár þróast næstu daga.
Spá gerð: 24.05.2026 16:06. Gildir til: 26.05.2026 00:00.
Veðuryfirlit
700 km SV af Reykjanesi er allvíðáttumikil 998 mb lægð sem fer NA og grynnist. 250 km NA af Langanesi er 1002 mb lægð sem þokast NA.
Samantekt gerð: 24.05.2026 19:49.
Veðurhorfur á landinu
Sunnan og suðvestan 5-13 m/s og skúrir, en að mestu bjart austanlands.
Hægari vindur og skúrir á morgun, en vestan 5-10 með suðurströndinni síðdegis. Þurrt að kalla norðaustantil, en stöku skúrir síðdegis. Hiti 8 til 14 stig, mildast norðan heiða.
Spá gerð: 24.05.2026 18:16. Gildir til: 26.05.2026 00:00.
Veðurhorfur á höfuðborgarsvæðinu
Suðlæg 5-10 m/s, en hægari breytileg átt á morgun. Skúrir og hiti 5 til 10 stig.
Spá gerð: 24.05.2026 15:22. Gildir til: 26.05.2026 00:00.
Veðurhorfur á landinu næstu daga
Á þriðjudag:
Vestan og suðvestan 5-13 m/s. Bjart með köflum á suðaustanverðu landinu, en smáskúrir norðan- og vestantil. Hiti 7 til 14 stig, mildast eystra.
Á miðvikudag:
Suðvestlæg átt 8-13 og dálítil væta, en þurrt suðaustanlands. Hiti breytist lítið. Bætir í rigningu suðvestantil um kvöldið.
Á fimmtudag:
Austan og norðaustan 8-15. Rigning og hiti 5 til 10 stig á sunnanverðu landinu, en kólnar með slyddu og snjókomu til fjalla fyrir norðan, hiti um eða rétt yfir frostmarki.
Á föstudag:
Norðaustanátt og rigning, en slydda eða snjókoma norðan- og austanlands. Svalt í veðri.
Á laugardag:
Útlit fyrir norðaustlæga átt. Slydda eða snjókoma á norðan- og austanverðu landinu og hiti nálægt frostmarki, en rigning og hiti 5 til 10 stig sunnan- og vestantil.
Spá gerð: 24.05.2026 07:41. Gildir til: 31.05.2026 12:00.
Textaspár eru skrifaðar af vakthafandi veðurfræðingi á Veðurstofu Íslands.
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
