Viðvörun
Óvenju lágum þrýstingi (allt niður í 936 hPa) er spáð yfir landinu á morgun. Einnig er allvíða von á mikilli ölduhæð nærri ströndinni. Líkur eru á hárri sjávarstöðu og jafnvel sjávarflóðum við suður-, austur- og norðurströndina.Viðvörun
Skriðuviðvörun í gildi á Austfjörðum Meira- Appelsínugul viðvörun vegna veðurs: Suðurland, Breiðafjörður, Vestfirðir og Strandir og norðurland vestra Meira
- Gul viðvörun vegna veðurs: Höfuðborgarsvæðið, Faxaflói, Breiðafjörður, Vestfirðir, Norðurland eystra, Austurland að Glettingi, Austfirðir, Suðausturland, Miðhálendi og Strandir og norðurland vestra Meira
Textaspá - Yfirlit
Hugleiðingar veðurfræðings
Í dag hefur verið fremur hæg suðlæg átt á landinu og hafa skúrir eða lítilsháttar rigning látið á sér kræla í flestum landshlutum. Þegar þetta er skrifað hefur mest mælst 11,2 stiga hiti í Bolungarvík og 10,5 stig á Sauðanesvita yst á Tröllaskaga.
Austur af Nýfundnalandi hefur í dag mátt fylgjast með óveðurslægð morgundagsins á tunglmyndum. Þær bera þess merki að lægðin sé í örum vexti.
Þessi mjög djúpa og krappa lægð nálgast landið hratt úr suðri í nótt og skil frá henni ganga inn á landið í fyrramálið með austan stormi og talsverðri úrkomu. Möguleiki er á eldingum í skilunum.
Síðdegis á morgun gengur miðja lægðarinnar inn á land og þá dregur úr vindi og úrkomu sunnan- og austanlands. Hins vegar gengur þá í norðan stórhríð á norðvestanverðu landinu og þar hafa appelsínugular viðvaranir verið gefnar út.
Annað kvöld og aðfaranótt fimmtudags heldur lægðin áfram ferð sinni til norðausturs og færist þá norðanáttin með hríðinni til austurs eftir norðanverðu landinu og einnig yfir á Austurland.
Á Norður- og Austurlandi snjóar væntanlega áfram á fimmtudagsmorgun, en síðan dregur smám saman úr norðanáttinni og ofankomu. Síðdegis á fimmtudag ætti lægðin að vera úr sögunni og veður orðið skaplegt, en nokkuð kalt.
Spá gerð: 13.10.2026 16:05. Gildir til: 15.10.2026 00:00.
Veðuryfirlit
1100 km SA af Reykjanesi er ört vaxandi 966 mb lægð sem fer hratt NA. 550 km NA af Langanesi er 969 mb lægð á norðurleið.
Samantekt gerð: 13.10.2026 19:36.
Veðurhorfur á landinu
Hæg suðlæg átt og dálitlir skúrir í flestum landshlutum.
Hvessir sunnanlands í nótt. Austan og norðaustan hvassviðri, stormur eða rok í fyrramálið og talsverð eða mikil rigning, en slydda eða snjókoma til fjalla fyrir norðan og vestan. Hiti 3 til 10 stig, mildast syðst. Dregur úr vindi og úrkomu sunnan- og austanlands síðdegis á morgun, en snýst þá í norðan 18-25 um landið norðvestanvert með talsverðri snjókomu eða slyddu. Kólnandi veður seint á morgun.
Spá gerð: 13.10.2026 18:31. Gildir til: 15.10.2026 00:00.
Veðurhorfur á höfuðborgarsvæðinu
Hæg sunnanátt og stöku skúrir.
Hvessir í nótt, austlæg átt 13-20 m/s í fyrramálið og talsverð rigning. Hægari og úrkomuminna um hádegi á morgun, hiti 6 til 10 stig. Gengur í norðvestan 10-18 annað kvöld með skúrum eða slydduéljum og kólnandi veðri.
Spá gerð: 13.10.2026 18:28. Gildir til: 15.10.2026 00:00.
Veðurhorfur á landinu næstu daga
Á fimmtudag:
Norðvestan 10-18 m/s, hvassast austantil og sums staðar hvassara við fjöll austast. Snjókoma eða slydda á Norður- og Auturlandi, en þurrt sunnan- og vestanlands. Dregur smám saman úr vindi og úrkomu, 8-15 seinnipartinn og styttir upp og léttir til, en gengur í strekkings suðvestanátt norðvestantil með skúrum eða slydduéljum. Hiti víða 0 til 7 stig, hlýjast við vestur- og suðurströndina.
Á föstudag:
Suðvestan 5-13 með dálitlum skúrum, en bjart fyrir austan. Hiti 5 til 10 stig.
Á laugardag:
Suðvestan og sunnan strekkingur með dálitlum skúrum, en bjart austanlands. Vaxandi suðaustanátt síðdegis, hvassviðri og rigning undir kvöld, en að þurrt norðaustanlands. Heldur hlýnandi.
Á sunnudag og mánudag:
Útlit fyrir ákveðna suðvestanátt með vætu, en úrkomulítið fyrir austan. Hlýnandi.
Á þriðjudag:
Suðaustlæg átt og dálítil væta með köflum, en bjart norðaustantil. Milt veður.
Spá gerð: 13.10.2026 20:09. Gildir til: 20.10.2026 12:00.
Textaspár eru skrifaðar af vakthafandi veðurfræðingi á Veðurstofu Íslands.
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
