Engar sjáanlegar breytingar á jarðhitavirkni í kringum Öskju og Víti
Hópur vísindamanna fór að Öskju að rannsaka aðstæður og unnið verður úr gögnum næstu daga
Ferð vísindamanna frá
Veðurstofunni að Öskju heppnaðist vel og er nú lokið. Dr. Melissa Anne Pfeffer
og Dr. Michelle parks fóru fyrir ferðinni með það markmiðað gera athuganir,
efla samskipti við landverði og aðra vísindamenn, mæla gas, safna gas og
vatnssýnum, mæla hitasig og sýrustig í Víti og Öskjuvatni, safna gögnum úr GPS
stöðinni OLAC sem er staðsett í öskjunni og aðstoða við GPS og hallarmælingar.
Fyrsta niðurstöður sýna engar breytingar á gasi eða vatni frá fyrri árum en
verið er að greina sýnin betur. Engar sjáanlegar
breytingar eru á landslagi og mælingar á hitastig og sýrustigi benda ekki til
þess að breytingar hafa orðið á jarðhitavirkni í kringum Öskju og Víti.
Tilkynningin sem barst þann 12.ágúst um gufustrók sem sást við jaðar Bátshrauns
hefur verið túlkaður sem ryk vegna grjóthruns úr bröttum hlíðum öskjunnar.
Hér sést Dr. Melissa Anne Pfeffer taka gassýni frá jarðhitasvæðinu austur af Bátshrauni. Mynd: Michelle Parks.
Árleg vettvangsferð
vegna landbreytinga fór einnig fram við Öskju. Sá sem fór fyrir ferðinni í
síðustu viku var prófessor Erik Sturkell (Háskólanum í Gautaborg), en þessa
vikuna mun prófessor Freysteinn Sigmundsson (Háskóli Íslands) taka við keflinu
í samstarfi við Veðurstofuna. Fimm GPS stöðvum hefur verið komið fyrir á víð og
dreif um öskjuna og gerður voru hallarmælingar á hrauninu sem myndaðist í eldgosum
árin 1961 og 1921. Hallarmælingarnar sýna engar breytingar á staðsetningu
landrisins síðan mælingar voru gerðar í ágúst árið 2022, en það er í samræmi
við gögn frá GPS stöðvum og InSAR myndum. Þau Michelle Parks (Veðurstofunni) og
Freysteinn Sigmundsson (Háskóli Íslands) leiða þetta verkefni sem er fjármagnað
af ISVOLC en þau fengu öndvegisstyrk úr Rannsóknarsjóði, styrkur númer
239615-051
Á myndinni er Dr. Michelle Parks að taka GPS mælingar með prófessor Erik Sturkell. Mynd: Melissa Anne Pfeffer.
