Nýting og verndun vatns
Fundur á Veðurstofu Íslands
Í tengslum við alþjóðlegan dag vatnsins, sem haldinn er hátíðlegur þann 22. mars ár hvert, bjóða Íslenska vatnafræðinefndin og Íslenska UNESCO-nefndin til morgunverðarfundar á Veðurstofu Íslands kl. 08:00-10:00 fimmtudaginn 31. mars.
Á hverju ári er vakin athygli á einum ákveðnum þætti tengdum ferskvatni og mikilvægi hans í sjálfbærri þróun. Á þessu ári, 2016, er þemað vatn og vinna. Frekari upplýsingar er að finna á síðu UNESCO um vatn.
Alþjóðlegur dagur vatnsins
Nýting og verndun vatns er yfirskrift fundarins á Veðurstofu Íslands hinn 31. mars 2016 og verður hann haldinn í móttökusal Veðurstofunnar að Bústaðavegi 7. Boðið verður upp á morgunverð milli kl. 08:00 og 08:30 og síðan verða flutt þrjú erindi:
- Án vatns er enginn vinnandi vegur / Sveinn Agnarsson
- Að veita vatni / Hólmfríður Sigurðardóttir
- Verndun og nýting vatns: Siðferðilegar spurningar / Skúli Skúlason
Fólk er beðið að senda staðfestingu um þátttöku á netfangið skraning@vedur.is.
