Fréttir
Frá Gígjukvísl.
Lítið hlaup að fjara út
Gígjukvísl, Grímsvötn
Síðustu mælingar frá Gígjukvísl sýna að hlaupið úr Grímsvötnum náði hámarki í gærkvöldi, líklega um miðnætti.
Rennslið í Gígjukvísl var mælt þegar það var nálægt hámarki í gærkvöldi og svo aftur í dag. Af þessum breytingum í vatnshæð er dregin sú ályktun að hlaupið vari í nokkra daga. Þetta er þó afar lítið hlaup og vatnsrennsli ekki meira en eðlilegt væri að sumarlagi.
Frekari upplýsingar um þetta jökulhlaup verða birtar á vefnum ef þurfa þykir. Hér undir má sjá nokkrar myndir af staðnum í tímaröð, dagana 23. - 26. nóvember 2012.
Ljósmyndari er Reynir Ragnarsson, starfsmaður Veðurstofunnar.
Ljósmyndir: Reynir Ragnarsson, Vík í Mýrdal.
