Fréttir
Norskir starfsmenn NVE við Sólheimajökul.
Heimsókn starfsmanna norsku vatns- og orkumálastofnunarinnar
Dagana 23.-25. ágúst heimsóttu starfsmenn vatnamælingadeildar norsku vatns- og orkumálastofnunarinnar, Norges vassdrags- og energidirektorat, Veðurstofu Íslands. Fulltrúar beggja stofnana kynntu starfsemina í húsakynnum Veðurstofunnar við Bústaðaveg og skoðuðu búnað og tæki.
Hópurinn fór síðan í tveggja daga ferðalag og skoðaði vatnamælistöðvar og jarðfræði á Suðurlandi, með leiðsögn Jóns Ottós Gunnarssonar sérfræðings í mælarekstri og Odds Sigurðssonar jarðfræðings. NVE og vatnamælingasvið Veðurstofu Íslands hafa átt samskipti um langt skeið.
