Hiti yfir 29 gráður á Hjarðarlandi – met féllu víða um land
Sérlega hlýtt var víða um land og hitamet féllu á fjölmörgum veðurstöðvum. Hæsti hiti dagsins mældist á Hjarðarlandi, þar sem hitinn fór í 29,5°C og er það nýtt staðarmet. Í Reykjavík fór hitinn í fyrsta sinn á þessu ári yfir 21 gráður þegar hitinn mældist 21,8°C við Veðurstofuna.
Víða um land fór hitinn yfir 26–27°C og dagshitamet féllu á fjölmörgum veðurstöðvum. Á stöðum eins og Þingvöllum, Skálholti, Kálfhóli og Bræðratunguvegi mældist hitinn yfir 28°C, sem er óvenjulegt jafnvel að sumri og sýnir vel hversu mikil hlýindi voru í dag.
Stöðvar þar sem hitinn fór yfir 28°C:
- Hjarðarland: 29,5°C (staðarmet)
- Bræðratunguvegur: 28,7°C
- Lyngdalsheiði: 28,3°C
- Skálholt: 28,3°C
- Kálfhóll: 28,0°C
Auk þess fór hitinn yfir 27°C á stöðum eins og Þingvöllum, Mörk á Landi, Öræfum og Ásbyrgi og dægurhitamet féllu þar einnig.
Athygli vekur að á mörgum stöðvum var munurinn á nýju meti og fyrra meti í dægurhita óvenju mikill, sums staðar yfir 8°C. Slík stökk eru sjaldséð og sýna vel hve hlýtt var í dag.
Meðal þeirra staða þar sem munurinn á dægurhitametum var mestur eru:
-
Hjarðarland: 29,5°C, fyrra met 20,1°C, munur 9,4°C
-
Árnes: 28,7°C, fyrra met 19,7°C, munur 9,0°C
-
Hella: 27,7°C, fyrra met 19,0°C, munur 8,7°C
-
Ölkelduháls: 25,5°C, fyrra met 17,4°C, munur 8,1°C
-
Gullfoss: 27,8°C, fyrra met 19,8°C, munur 8,0°C
Veðurhorfur
fyrir morgundaginn:
Áfram má búast við hægviðri eða hafgolu. Víða verður bjart eða léttskýjað, en
þokubakkar gætu leitað að norður- og norðvesturströndinni. Síðdegis má reikna
með stöku skúrum sunnanlands.
Hiti verður á bilinu 17 til 28 stig, hlýjast norðaustanlands en svalara þar sem
þokan nær inn.
Fréttin hefur verið uppfærð með staðfesta hámarkstölu í Reykjavík þann 14. júlí.
