Aukning í rafleiðni fór að mælast í Skálm í nótt og í morgun
mátti sjá aukinn óróa undir jöklinum. Jökulhlaup fór svo að mælast í ánni Skálm
um kl. 13:20 í dag og það var stórt hlaup, mögulega stærra en síðasta stóra
hlaup sem var árið 2011 og kom undan Kötlujökli í austanverðum Mýrdalsjökli. Ekkert er hægt að fullyrða um hvenær megi búast við að
hlaupið nái hámarki. Í hlaupi sem varð 2011 liðu um 10 klukkustundir frá því að
mikill samfelldur órói mælist þangað til að hlaupvatn kom undan jöklinum. Ekki
er hægt að fullyrða að þetta hlaup sem nú er í gangi hagi sér á sambærilegan
hátt og hlaupið 2011. Það er þó líklegast að þetta hlaup núna hafi ekki náð hámarki
og umtalsvert meira hlaupvatn eigi eftir að koma undan jöklinum.
Uppfært 26. júlí kl. 10:30
Skjálftavirknin síðustu
daga hefur aukist lítillega en er enn frekar lítil. Rúmlega 30 skjálftar
hafa mælst í grennd við kvikuganginn í Sundhnjúksgígaröðinni síðastliðinn
sólarhring og tæplega 130 síðastliðna viku. Flestir þeirra eru undir einum að
stærð og eru á svipuðum slóðum og í fyrri atburðum. Til samanburðar mældust að
öllu jöfnu rúmlega 50 skjálftar daglega í aðdraganda síðasta goss. Nýjustu GPS gögn og
gervitunglamyndir staðfesta að landris og kvikusöfnun heldur áfram á nokkuð
jöfnum hraða ef horft er til síðustu vikna. Ef hraðinn helst óbreyttur, má gera
ráð fyrir nýju kvikuhlaupi og jafnvel eldgosi á næstu tveimur vikum.
Um liðna helgi, 13.-14. júlí, var mikið vatnsveður á Vesturlandi. Gul viðvörun var í gildi vegna úrkomu og vinds á Faxaflóa og í Breiðafirði, og var að sama skapi varað við vatnavöxtum og skriðuhættu.
Spár rættust og varð það svo að mikil úrkoma var á Snæfellsnesi og Barðaströnd um liðna helgi. Mesta ákefðin var á laugardeginum og aðfaranótt sunnudags. Í Grundarfirði mældist mesta úrkoman, þ.e. 227 mm af regni sem er mesta úrkoma sem mæld hefur verið á einum sólarhring í Grundarfirði og jafnframt mesta sólarhringsúrkoma sem mæld hefur verið í júlímánuði á landsvísu
Lesa meiraRagnar
Stefánsson fæddist í Reykjavík þann 14. ágúst 1938. Hann lést á Landspítalanum
þann 25. júní sl. á 86. aldursári. Alla starfsævi sína var meginverksvið Ragnars fólgið í vöktun á
jarðskjálftum og eldgosum, sem og að rannsóknum sem höfðu það að markmiði að
draga úr hættu af völdum þessara þátta. Á þessu sviði var hann í forystusveit á
alþjóðlegum vettvangi.
Júní var tiltölulega kaldur á landinu öllu, sérstaklega norðaustanlands. Nokkuð langvinnt norðanhret gekk yfir landið í byrjun mánaðar. Óvenjumikið snjóaði á norðanverðu landinu miðað við árstíma sem olli töluverðum vandræðum. Bændur lentu í tjóni, einhvað var um fugladauða og samgöngutruflanir voru á fjallvegum.