Spá um snjóflóðahættu - Austfirðir

  • sun. 05. feb.

    Töluverð hætta
  • mán. 06. feb.

    Töluverð hætta
  • þri. 07. feb.

    Töluverð hætta

Vindflekar eru í mörgum viðhorfum eftir breytilegar vindáttir. Hlýindi á sunnudag gætu valdið votum snjóflóðum.

Spáin er gerð fyrir stór landsvæði og þarf ekki að vera lýsandi fyrir snjóflóðahættu í byggð. Hún er einkum gerð með ferðafólk í fjalllendi í huga og tekur bæði til snjóflóða af mannavöldum og veðurtengdra snjóflóða.

Snjóflóðavandi á svæðinu

Lagskipting snævar og snjóþekjan

Nokkur ný snjóflóð hafa sést á svæðinu sem gætu hafa fallið í stuttu hlýindaskoti aðfaranótt laugardags. Hlýindi á sunnudag gætu valdið fleiri snjóflóðum. Vindflekar gætu verið í flestum viðhorfum eftir breytilegar vindáttir. Nýlegur snjór er til fjalla en ekki er vitað um bindingu hans við gamla snjóinn.

Nýleg snjóflóð

Nokkur flóð hafa sést á svæðinu um helgina, m.a. í Fáskrúðsfirði og Norðfirði. Snjóflóð féll í Fagradal á miðvikudag og í Grænafelli í Fagradal á þriðjudag sem fór að hluta út á veg.

Veður og veðurspá

Hlýnar og hvessir á sunnudag úr suðri og suðvestri, allt að 25 m/s seinnipartinn á stöku stað. Rigning um tíma á sunnudag, sérstaklega sunnantil. Á mánudag er útlit fyrir áframhaldandi suðvestanátt, 10-18 m/s, og kólnandi veður með éljum. Á þriðjudag er útlit fyrir að lægð gangi yfir landið með suðvestlægum áttum og snjókomu.

Spá gerð: 04. feb. 18:03. Gildir til: 06. feb. 19:00.




Aðrir tengdir vefir



Þetta vefsvæði byggir á Eplica