Spá um snjóflóðahættu - Norðanverðir Vestfirðir 
-
sun. 11. apr.
Nokkur hætta -
mán. 12. apr.
Nokkur hætta -
þri. 13. apr.
Nokkur hætta
Nýir vindflekar í vestur og suður viðhorfum, misjafnlega þykkir og víða óstöðugir. Varasamar aðstæður í giljum og lægðum þar sem mikill snjór hefur safnast.
Snjóflóðavandi á svæðinu
Lagskipting snævar og snjóþekjan
Misþykkir nýir vindflekar eru í V- og S-viðhorfum eftir snjókomu í logni og svo hvassa A- og NA-átt og skafrenning á miðvikud. og fimmtud. Fyrir var smá nýr snjór ofan á hjarni sem var orðið fremur stöðugt eftir hláku og frostatíð. Snjógryfja við Kistufell ofan Ísafjarðar 8. apríl sýndi tvískiptan vindfleka ofan á hjarni. Samþjöppunarpróf gaf brot við miðlungs álag bæði á lagmótum vindflekanna og á mótum neðri vindflekans við hjarnið. Hár hitastigull er í snjónum og gætu veik lög myndast vegna þess. Eitthvað bætir í snjó til fjalla á laugardagskvöld og sunnudag. Fólk á ferð í brattlendi ætti að sýna aðgát, sums staðar hefur mikill nýr snjór safnast og þar geta aðstæður verið varasamar.
Nýleg snjóflóð
Mörg lítil snjóflóð féllu á spásvæðinu á þriðjudag og miðvikudag.
Veður og veðurspá
Frost til fjalla en yfir frostmarki við sjávarmál. Austlæg átt á sunnudag með dálítilli snjókomu og skafrenningi til fjalla, bætir í vind með deginum. Hægur vindur og þurrt á mánudag og þriðjudag.
