Veðurfarsyfirlit
Tíðarfarsyfirlit
Eftir hver mánaðamót gefur Veðurstofan út frétt um veður síðastliðins mánaðar. Í henni er stuttorð tíðarfarslýsing auk meðaltala nokkurra veðurþátta og vik þeirra frá langtímameðaltölum á að minnsta kosti fjórum stöðvum; Reykjavík, Akureyri, Höfn í Hornafirði og á Hveravöllum. Einnig er getið um helstu met, hafi þau verið slegin. Mánaðar- og ársyfirlit hafa birst á vef Veðurstofunnar frá 1997.
Einnig eru stutt yfirlit yfir árstíðir. Veturinn er mánuðirnir desember-mars, vorið er apríl og maí, sumarið er mánuðirnir júní-september og haustið er október og nóvember.
Tíðarfarsyfirlitin eru flokkuð eftir árum hér til hliðar.
Daglegt yfirlit
Veðurstofan birtir eftir hver mánaðamót töflu um veður frá degi til dags á fjórum veðurstöðvum; Reykjavík, Akureyri, Höfn í Hornafirði og á Keflavíkurflugvelli.
Mánaðarmeðaltöl mannaðra veðurstöðva
Töflur má skoða yfir meðaltöl veðurþátta á einstökum veðurstöðvum. Töflurnar ná aftur til 1949 fyrir þær skeytastöðvar sem athugað hafa svo lengi, en til 1961 fyrir veðurfarsstöðvar. Ársyfirlit eru þar á sérstakri síðu.
Meðaltöl 1961 til 1990
Töflur eru birtar um meðaltöl veðurþátta á tímabilinu 1961 til 1990.
