Febrúar var kaldur, hægviðrasamur og illviðri óvenju fátíð miðað við árstíma. Austlægar áttir voru ríkjandi nær allan mánuðinn og það var þurrt í öllum landshlutum, nema á Austurlandi þar sem úrkoma var í kringum meðallag. Óvenjuþurrt og sólríkt var á sunnan- og vestanverðu landinu. Snjór var tiltölulega lítill á landinu öllu og snjólaust var nær allan mánuðinn á suðvesturhluta landsins. Tiltölulega einsleitt veðurlag breyttist í lok mánaðar með úrkomu og snjó suðvestanlands og rysjóttara veðri.

Lesa meira

Kvika hefur safnast undir Svartsengi í um 210 daga og er þetta lengsta samfellda kvikusöfnunartímabilið frá því að eldgosahrinan á Sundhnúksgígaröðinni hófst í desember 2023. Haldi kvikusöfnun áfram á sama hraða má gera ráð fyrir að í næstu viku verði magn kviku sem safnast hefur frá síðasta gosi orðið það mesta sem á milli eldgosa frá upphafi eldgosahrinunnar.  Lesa meira

Á Alþjóðadegi kvenna og stúlkna í vísindum er sjónum beint að sterkri menningu Veðurstofu Íslands fyrir fjölbreytni og þátttöku kvenna í vísindum. Konur eru 48% starfsfólks stofnunarinnar og um fimmtungur starfsfólks er af erlendum uppruna. Fjölbreytt sjónarhorn styrkja bæði vísindastarf og samfélag. Lesa meira

Skýrslan A Nordic Perspective on AMOC Tipping fer yfir stöðu þekkingar á mögulegum áhrifum hruns hafstraumakerfis Atlantshafsins (AMOC) og setur fram ráðleggingar um aðgerðir í stefnumótun. Skýrslan var birt fimmtudaginn 5. febrúar kl. 10 á vef Norðurlandaráðs. 
Halldór Björnsson, fagstjóri veðurs og loftslags hjá Veðurstofu Íslands, er einn höfunda skýrslunnar. 

Lesa meira