Sérfræðingur á sviði jarðskjálftarannsókna
Starfið heyrir undir deild jarðskjálfta og jarðhniks sem ber ábyrgð á úrvinnslu, greiningu og rannsóknum á jarðskjálftum og aflögunarferlum í jarðskorpunni. Deildin vinnur úr mæligögnum, þróar úrvinnsluaðferðir og beitir m.a. tölulegum hermunum til að rannsaka þá ferla sem stjórna spennubreytingum og hreyfingum í jarðskorpunni. Enn fremur taka sérfræðingar í deildinni þátt í jarðváratburðum eftir því sem við á, við túlkun og mat á hættu.
Á Veðurstofu Íslands starfar fjölbreyttur og samstilltur hópur fólks við að efla öryggi og áfallaþol samfélagsins gegn náttúruvá og áhrifum loftslagsbreytinga. Veðurstofan þjónustar allt samfélagið með því að vakta, gefa út spár og viðvaranir vegna veðurs, jarðskjálfta, eldgosa, hlaupa, vatnsflóða og ofanflóða. Sérfræðingar stofnunarinnar eru leiðandi á sínu sviði og styðja viðbrögð samfélagsins vegna náttúruvár og áhrifa loftslagsbreytinga með gagnasöfnun, varðveislu gagna, greiningu, rannsóknum, ráðgjöf og miðlun um náttúrufar á Íslandi. Veðurstofa Íslands er opinber stofnun sem heyrir undir Umhverfis- orku- og loftslagsráðuneytið. Á Veðurstofunni starfa um 170 manns. Auk þess starfa um 50 manns við athugana- og eftirlitsstörf víðsvegar um landið. Nánari upplýsingar um stofnunina má finna á heimasíðu stofnunarinnar.
Helstu verkefni og ábyrgð
Starfið felur í sér stefnumótun, uppbyggingu og samþættingu jarðskjálftaúrvinnslu, auk þess að leiða innlendar og alþjóðlegar rannsóknir sem styrkja hlutverk Veðurstofunnar í náttúruváeftirliti. Við leitum að framsýnum einstaklingi með brennandi áhuga á að færa jarðváreftirlit á Íslandi inn í framtíðina með nýjustu aðferðum vélanáms og sjálfvirkni, á sama tíma og öflugt gæðaeftirlit er tryggt og áreiðanlegar viðvaranir berast sem allra fyrst.
Helstu verkefni:
Byggja upp og viðhalda gæðaeftirliti með úrvinnslu jarðskjálftagagna
Sækja um innlenda og alþjóðlega rannsóknarstyrki sem styðja við hlutverk Veðurstofunnar
Leiða þróun og innleiðingu nýrrar tækni til að auka sjálfvirkni og efla áreiðanleika og gæði í jarðskjálftaúrvinnslu
Þátttaka í viðbragði atburða tengdri jarðvá m.a. við túlkun gagna
Þróun rauntíma viðvörunarkerfa
Miðla niðurstöðum til notenda og samstarfsaðila, veita ráðgjöf og fræðslu og taka virkan þátt í innlendu og alþjóðlegu samstarfi
Hæfniskröfur
Doktorsgráða á sviði jarðskjálftafræði
Farsæl reynsla og árangur í rannsóknum og öflun rannsóknarstyrkja
Víðtæk reynsla af úrvinnslu jarðskjálftabylgjugagna, greiningu jarðskjálftagagna, miðlun niðurstaðna og verkefnastjórnun
Ítarleg þekking á jarðvá og skjálftavirkni á Íslandi
Hæfni í mannlegum samskiptum, skipulagshæfni og nákvæmni í starfi
Frumkvæði og faglegur metnaður í starfi
Reynsla af SeisComP og ObsPy æskileg
Framúrskarandi færni í íslensku og ensku, bæði í rituðu og töluðu máli er æskileg
Í gildum Veðurstofunnar er lögð áhersla á að vera áreiðanleg, samvinnufús og hugvitsöm. Ráðningar taka mið af þessum gildum.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Á stofnuninni eru tækifæri til faglegrar þróunar og vinnutími er sveigjanlegur.
Við hvetjum fólk af öllum kynjum til að sækja um.
Umsókninni skal fylgja starfsferilskrá ásamt kynningarbréfi þar sem umsækjandi gerir grein fyrir ástæðu umsóknar og rökstyður hæfni sína fyrir starfið.
Starfshlutfall er 100%
Umsóknarfrestur er til og með 05.10.2026
Nánari upplýsingar veitir
Kristín Jónsdóttir
Deildarstjóri
Tölvupóstur: kristinj@vedur.is
Sími: 5226000
Borgar Ævar Axelsson
Mannauðsstjóri
Tölvupóstur: borgar@vedur.is
Sími: 5226000
