Veðurstofa Íslands 90 ára

Mynd af tveimur skjölum um upphaf veðurathugana á Veðurstofu Íslands. Gjöf frá Þjóðskjalasafni í tilefni af norræna skjaladeginum 13. nóvember 2010 og 90 ára afmæli Veðurstofu Íslands. Eldra skjalið (vélritað) er frá Marineministeriet í Danmörku, dagsett 9. desember 1919, og þar kemur fram að veðurathuganir á Íslandi færast frá dönsku veðurstofunni til Íslendinga. Í yngra skjalinu, frá 27. janúar 1920, fer Stjórnarráðið þess á leit við forstöðumann Löggildingarstofu Íslands að stofan taki að sér veðurathuganir á Íslandi frá 1. janúar 1920.

Nýjar fréttir

Staðan á Reykjanesskaga

Aflögunarmælingar sýna áfram landris á Svartsengissvæðinu. Á undanförnum þremur mánuðum hefur landris mælst um fimm sentimetrar. Landrisið bendir til þrýstingur er enn að byggjast upp á nokkra km dýpi. Á meðan landris heldur áfram er líklegasta sviðsmyndin áfram að kvikuhlaup verði frá Svartsengi yfir í Sundhnúksgígaröðina sem gæti leitt til eldgoss. Lesa meira

Mælingar og boranir í Strandartindi á Seyðisfirði

Um og eftir verslunarmannahelgi fóru fram svokallaðar ERT-mælingar í Strandartindi á Seyðisfirði. Um er að ræða sérhæfðar leiðnimælingar sem gefa upplýsingar um aðstæður undir yfirborði. Tilgangur mælinganna er að kanna hvort sífreri sé til staðar í urð sem er í um 700 metra hæð í Strandartindi. Getgátur hafa verið uppi um sífrera á þessu svæði, en þiðnandi sífreri í bröttum hlíðum getur í sumum tilfellum leitt til skriðufalla.

Lesa meira

Tíðarfar í ágúst 2026

Ágústmánuður var tiltölulega kaldur. Það var úrkomusamt á norðan- og vestanverðu landinu en þurrara á suður- og austurhluta landsins. Norðan- og norðvestlægar áttir voru tíðastar í mánuðinum, en vindur var hægur og veður að mestu gott.

Lesa meira

Aukin rafleiðni og gasmengun við Múlakvísl

Jökulhlaupið í Múlakvísl, sem hófst 18. ágúst, virðist nú vera í rénun. Dregið hefur úr bæði rafleiðni og rennsli frá því í gær og lítið gas mælist nú á svæðinu Lesa meira

Hamfaraflóð við landamæri Nepal og Tíbets – keðjuverkun náttúruhamfara

Hamfaraflóð olli miklu tjóni í Rasuwa-héraði í Nepal 26. ágúst. Fyrstu greiningar benda til þess að gríðarlegt hrun jökulíss og bergs hafi komið flóðinu af stað. Í fyrstu var talið að um hefðbundinn jarðskjálfta væri að ræða. Atburðurinn sýnir hvernig ólíkar náttúruhamfarir geta myndað hættulega keðjuverkun og undirstrikar mikilvægi fjölþættrar náttúruvárvöktunar.

Lesa meira