Titill Jarðskjálftayfirlit fyrir viku 43 og 44. 23. október – 7.nóvember 2023
Reykjanesskagi og Reykjaneshryggur.
Þann 25.október hófst hrina við Fagradalsfjall sem síðar færði sig á milli Sundhnúkagígaraðarinnar og Eldvarpa. Skjálftavirknin er orsök kvikusöfnunar á um 5 km dýpi norðvestur af Þorbirni. Alls hafa um 19450 skjálftar mælst og þar af hafa um 2800 skjálftar verið yfirfarnir. Rúmlega 70 skjálftar hafa mælst yfir 3 að stærð, þar af sjö skjálftar yfir 4 að stærð. Stærsti skjálftinn mældist þann 25.október rétt norður af Þorbirni og reyndist hann 4.5 að stærð. Skjálftarnir hafa fundist víðsvegar á Reykjanesskaganum, Höfuðborgarsvæðinu og Borgarfirðinum.
Nánar er fjallað um jarðskjálftavirknina á Reykjanesskaga í frétt á forsíðu vef Veðurstofunnar.
Reykjaneshryggur
Rúmlega
50 skjálftar mældust á Reykjaneshryggnum, tveir skjálftar mældust
yfir þremur að stærð, sá stærri mældist 3.3 að stærð þann
3.nóvember.
Vesturgosbeltið og Hofsjökull
Á Hengilssvæðinu mældust um 8 skjálftar, flestir við Húsmúla. Um 8 skjálftar mældust norðvestur af Ingólfsfjalli og 5 skjálftar við Heillisheiðarhraun. Einn skjálfti mældist norður af Langjökli hann var 1.9 að stærð.
Suðurlandsbrotabeltið
Um 20 skjálftar mældust á Suðurlandsbrotabeltinu, nokkuð dreift um svæðið, þar af nokkrir smá skjálftar við Raufarhólshelli.
Austurgosbeltið
Hekla
5
smáskjálftar
mældust í og við Heklu í vikunni, sá stærsti mældist 1.5 að
stærð þann 6.nóvember.
Mýrdalsjökull
og Torfajökulssvæði.
12
skjálftar mældust í Mýrdalsjökli í vikunni og
einn í Eyjafjallajökli.
Í Torfajökli mældust 2 skjálftar, sá stærri mældist 1.7 að
stærð.
Vatnajökull
Í
Vatnajökli mældust tæplega 55 skjálftar þar af voru um 30
skjálftar í Bárðarbungu, sá stærsti mældist 5 að stærð þann
24. október. Um 10 skjálftar mældust í Grímsvötnum, 4 skjálftar
við vestri Skaftárketilinn, tveir skjálftar við Kverkfjöll og
tveir norður af Skaftafellsjökli.
Norðurgosbeltið
Askja og Herðubreið
Tæplega 35 skjálftar mældust á þessu svæði, þar af 13 skjálftar við Öskju. Stærsti skjálftinn mældist 2.2 að stærð þann 25 október. Tæplega 25 skjálftar mældust við Herðubreið, allir undir 2 að stærð.
Krafla og Þeistareykir
4 skjálftar mældust við Bæjarfjall
Tjörnesbrotabeltið
Tæplega 60 skjálftar mældust á Tjörnesbrotabeltinu í vikunni, þar af voru um 40 skjálftar á Grímseyjarbrotabeltinu og 17 á Húsavíkur-Flateyjar brotabeltinu.
Vegna virkninnar á Reykjanesskaganum hefur ekki tekist að yfirfara alla skjálfta utan hrinunnar og því gæti vantað nokkra skjálfta inn í upptalninguna.
