Jarðskjálftayfirlit í viku 50 og 51. 11. – 24. Desember 2023
Reykjanesskagi og Reykjaneshryggur
Ríflega 3000 skjálftar mældust á Reykjanesskaga síðustu tvær vikur, þar af eru um 1350 yfirfarnir. Flestir skjálftarir eru staðsettir við kvikuganginn sem myndaðist 10. nóvember nærri Grindavík. Þann 18.desember hófst öflug skjálftavirkni um 21 og klukkan 22:17 sama kvöld hófst eldgos í Sundhnúkagígaröðinni. Um 4 km sprunga opnaðist, norðurendi sprungunnar var staðsett rétt austan við Stóra-Skógfell og syðri endinn rétt austan við Sundhnúk. Gos lauk síðan 21.desember og hófst landris í Svartsengi að nýju. Skjálftavirknin við kvikuganginn hefur haldist nokkuð jöfn í síðan þá.
Önnur jarðskjálftavirkni á Reykjanesskaga var mest við Kleifarvatn og Brennisteinsfjöllum.
Á Reykjaneshrygg mældust um 20 skjálftar og var stærsti skjálftinn 2.6 að stærð.
Suðurlandsbrotabeltið og Hengilssvæðið
Tæplega 30 smáskjálftar mældust á Suðurlandsbrotabeltinu, nokkuð dreift um svæðið, sá stærsti 2,3 að stærð í Vatnafjöllum.
Vesturgosbeltið
Þrír skjálftar mældust sunnan við Langjökul og fjórir skjálftar suður af Skjaldbreið. Þrír skjálftar mældust í Hofsjökli. Tólf skjálftar mældust við Grjótárvatn.
Mýrdalsjökull
og Torfajökulssvæði
Rúmlega
40 skjálftar mældust
í Mýrdalsjökli í síðustu
tvær vikur. Stærsti mældist 2.4 að stærð þann 16. Desmeber.
Einn
skjálfti mældist suður af Eyjafjallajökli.
Vatnajökull
Í
Vatnajökli mældust alls 60
skjálftar. Þar
af um 30 í Bárðarbungu, tveir skjálftar mældust yfir 3 að stærð
sá stærri var 3.7 að stærð og mældist þann 24.desember.
Rúmlega 15 skjálftar mældust í og við Grímsvötn, sá stærsti
2,1 að stærð. Tveir
skjálftar mældust við Skaftárkatlana.
Norðurgosbeltið
Askja og Herðubreið
Alls mældust um 55 smáskjálftar á þessu svæði, þar af 20 við Öskju. Sá stærsti mældist 2 að stærð.
Krafla og Þeistareykir
Þrír smáskjálftar mældust við Kröflu og fimm við Bæjarfjall.
Tjörnesbrotabeltið
Tæplega 70 skjálftar mældust á Tjörnesbrotabeltinu í vikunni, flestir á Grímseyjarbrotabeltinu.
Rúmlega 20 smáskjálftar mældust á Húsavíkur-Flateyjar brotabeltinu og um 50 í Grímseyjarbrotabeltinu. Sá stærsti mældist 3.6 að stærð þann 18.desember.
Einn skjálfti mældist norður af Dalvík og einn suðaustur af Siglufirði.
