Jarðskjálftayfirlit viku 21, 20. – 26. maí 2024
Reykjanesskagi og Reykjaneshryggur
Um 440 jarðskjálftar mældust á Rekjanesskaga í vikunni, virknin var fremur svæðaskipt þar sem um 300 jarðskjálftar mældust í kvikuganginum svokallaða undir Grindavík og norðnorðaustur af Stóra Skógfelli, þar af um 30 yfir 1,0 að stærð. Aðeins 15 jarðskjálftar mældust í vestanverðu Fagradalsfjalli. Fremur dreifð virkni rúmlega 50 skjálfta var heldur austar, en sú virkni var dreifð frá Keili í vestri austur fyrir Kleifarvatn. Í Brennisteinshrauni mældust um tugur skjálftar og annar tugur sunnan við Bláfjöll.
En úti á Reykjaneshrygg mældist tæpur tugur jarðskjálfta stærstur 2.8 að særð þann 22 maí.
Hengilssvæðið
Í Húsmúla á vestanverðu Hengilssvæðinu mældust rúmlega 110 jarðskjálftar flestir í þyrpingu 25 maí stærstur af þeim mældist 2,2 að stærð.
Suðurlandsbrotabeltið
Um 20 jarðskjálftar voru staðsettir á Suðurlandsbrotabeltinu dreifðir.
Vesturgosbeltið og Mið-Íslandsgosbeltið
Tveir smáskjálftar voru staðsettir á Vesturgosbeltinu í vikunni, einn við Grótárvatn annar í Hraundal.
Mýrdalsjökull
og Torfajökulssvæðið
Í Mýrdalsjökli mældust 9 jarðskjálftar, stærsti 2,8 að stærð, þann 12. febrúar. Á Torfajökulssvæðinu mældust 2 jarðskjálftar stærstur mældist undir 1,0 að stærð.
Vatnajökull
Í Vatnajökli mældust um 20 jarðskjálftar og var virknin dreifð við Bárðarbungu, Grímsvötn og einnig við Eystri-Skaftárketil, Þórðarhyrnu og norðan verðan Skeiðarárjökul.
Norðurgosbeltið
Askja og Herðubreið
Um 20 smáskjálftar mældust við Öskju í vikunni, flestir við austurbakka Öskjuvatns. Aðrir 2 tugir mældust við Herðubreið og Herðubreiðartögl, fremur hefðbundin virkni.
Krafla og Þeistareykir
Um tíu smáskjálftar mældust þar allir minni en 1,0 að stærð.
Tjörnesbrotabeltið
Rúmlega 40 jarðskjálftar mældust norðan við land flestir á Grímseyjarbeltinu.
