Jarðskjálftayfirlit viku 16, 15. - 21. apríl 2024
Reykjanesskagi og Reykjaneshryggur
Ríflega 180 skjálftar mældust á Reykjanesskaganum í vikunni. Virknin var nokkuð dreifð um skagann en helst var það smáskjálftavirkni í Fagradalsfjalli, milli Stóra Skógfells og Grindavíkur og vestur af Kleifarvatni. Einnig má nefna skjálftavirkni sunnan við Bláfjöll.
Úti á Reykjaneshrygg mældust rúmlega 15 skjálftar, stærsti skjálftinn mældist 3 að stærð.
Suðurlandsbrotabeltið og Hengilssvæðið
Rúmlega 10 skjálftar mældust á Hengilssvæðinu, nokkuð dreift um svæðið. Einn skjálfti mældist á Hellisheiðinni en hann var 2.8 að stærð.
Þá mældust tæplega 25 skjálftar á Suðurlandsbrotabeltinu nokkuð jafndreift um svæðið.
Vesturgosbeltið og Mið-Íslandsgosbeltið
Einn skjálfti mældist í Hofsjökli og annar suður af Langjökli.
Austurgosbeltið
Mýrdalsjökull
og Torfajökulssvæði
Fimm
skjálftar
mældust á Torfajökulssvæðinu og 9
í Mýrdalsjökli, stærsti
skjálftinn var
1.9 að stærð.
Vatnajökull
Tæplega
70
skjálftar mældust
í
Vatnajökli þessa viku, svipað
og vikuna á undan. Þar ber helst að nefna áframhaldandi
smáskjálftavirkni í Bárðarbungu sem telur um 40
skjálfta sem
og stærsta skjálftann í Bárðarbunga frá síðasta eldgosi árið
2015.
Hann
mældist 5.4 að stærð þann 21.apríl.
Um 8
smáskjálftar mældust í Grímsvötnum í vikunni. Önnur
virkni var frekar dreyfð um jökulinn.
Norðurgosbeltið
Askja og Herðubreið
Við Öskju mældust um 15 skjálftar, sem er svipaður fjöldi og í síðustu viku. Flestir þeirra eru austan megin við Öskjuvatn. Tæplega 30 skjálftar mældust við Herðubreið og Herðubreiðartögl.
Krafla og Þeistareykir
Um 10 skjálftar mældust nærri Kröflu.
Tjörnesbrotabeltið
Ríflega
60
skjálftar mældust á Tjörnesbrotabeltinu, þar af 35
á Grímseyjarbrotabeltinu og 25
á Húsavíkur-Flateyjar misgenginu. Tveir skjálftar mældust út á Kolbeinseyjarhrygg.
