Jarðskjálftayfirlit vika 4, 22.-28. janúar 2024
Reykjanesskagi og Reykjaneshryggur
Um 320 jarðskjálftar mældust á Reykjanesskaganum í vikunni, þar af um 190 við kvikuganginn við Hagafell og Grindavík. Skjálftarnir þar voru allir smáir, um og undir stærð M1,7. Í vestanverðu Fagradalsfjalli greindust tæplegar 30 skjálftar, um og undir stærð M1,5 (dýpi þeirra milli fimm og tíu km). Við Trölladyngju, eða á svæðinu frá Keili og austur fyrir Kleifarvatn greindust tæplega 100 skjálftar, stærstu þeirra M2,2 skjálfti við Djúpavatn. Í Brennisteins- og Bláfjöllum mældust um 70 skjálftar. Þeir sem áttu upptök í Brennisteinsfjöllum voru allir litlir en í Bláfjöllum varð skjálfti að stærð M3,1 að morgni laugardags og eftirskjálftavirkni fylgdi bæði á laugardag og sunnudag (um 30 skjálftar alls).
Suðurlandsbrotabeltið og Hengill
Tæplega 50 skjálftar mældust á Hengilssvæði, flestir nærri Nesjavöllum og við Reykjafell við Hellisheiði. Um 30 skjálftar mældust í Suðurlandsbrotabeltinu, stærstir þeirra M1,7 og M1,8 skjálftar sem urðu austan Geitafells, laugardaginn 27. janúar.
Vesturgosbeltið og Mið-Íslandsgosbeltið
Tveir skjálftar mældust við Langjökul, einn við Hofsjökul.
Austurgosbeltið
Mýrdalsjökull og Torfajökulssvæðið
Við Torfajökul mældust fjórir skjálftar, tveir þeirra hafa verið yfirfarnir. Í Mýrdalsjökli mældust um tíu tíu skjálftar, allir undir stærð M1,5.
Vatnajökull
Tæplega 40 skjálftar mældust í Vatnajökli. Þar af urðu 20 í Grímsvötnum, sá stærsti M2,1 að stærð. Skjálftarnir mældust bæði sunnan og norðan til í öskjunni. Tæplega tíu skjálftar mældust við Bárðarbungu, stærstu var M2,6 við austurjaðar öskjunnar.
Norðurgosbeltið
Askja og Herðubreið
Tæplega 40 skjálftar mældust við Herðubreið og Öskju, langflestir undir M1 að stærð, en stærsti skjálftinn á svæðinu varð vestur af Öskjuvatni, M1,8.
Krafa og Þeistareykir
Um tíu skjálftar mældust við Kröflu og Þeistareyki, allt smáskjálftar.
Tjörnesbrotabeltið
Á fjórða tug skjálfta mældust á Tjörnesbrotabelti, stærstu skjálftarnir urðu nærri Grímsey, M2,4 og M2,5.
