Sýnaraðir

Söfnunarstaðir og efnisþættir

Nýsprottinn fífill

Ljósmynd: Sigurður Thorlacius

Írafoss í Grímsnesi:

• Dagleg sýni af úrkomu; andrúmslofti og svifryki til brennisteins- og seltumælinga

Mælireitur Veðurstofunnar við Bústaðaveg:

• Vikuleg sýni af úrkomu til þungmálmamælinga
• Mánaðarsýni af úrkomu til brennisteins- og seltumælinga
• Mánaðarsýni af úrkomu fyrir Alþjóðakjarnorkumálastofnunina, IAEA, til mælinga á geislavirkni
• Stöðug söfnun á frjókornum sumarhelming ársins fyrir Náttúrufræðistofnun Íslands

Bláberjalyng í vætutíð

Ljósmynd: Guðrún Pálsdóttir

Litla-Skarð í Borgarfirði:

• Mánaðarsýni af úrkomu vegna vistfræðirannsókna í samvinnu við Landbúnaðarháskóla Íslands og fleiri stofnanir

Mjóanes við Þingvallavatn:

• Mánaðarsýni af úrkomu fyrir Vegagerðina til mælinga á niturákomu vegna mögulegrar vegalagningar um Gjábakka

Stórhöfði í Vestmannaeyjum:

• Vikuleg sýni af úrkomu til þungmálmamælinga
• Hálfsmánaðarsýni af svifryki til þungmálmamælinga
• Hálfsmánaðarsýni af lofti og úrkomu til greininga á þrávirkum lífrænum efnum

Stórhöfði í Vestmannaeyjum - erlendar rannsóknir:

• Símæling á ósoni við jörð
• Augnablikssýni af andrúmslofti á glerkúta vikulega til mælinga á CO₂, CH₄, CO, H_2, SF₆, N₂O, ásamt samsætunum ¹³C og ¹⁸O í koltvísýringi og samsætunni ¹³C í metani
• Klukkustundarsöfnun af andrúmslofti á álkúta viku- eða hálfsmánaðarlega vegna sömu efna
• Sólarhringssöfnun af svifryki í hafátt vegna mælinga á lífrænum brennisteini frá þörungum eða sólarhringssöfnun af svifryki úr landátt vegna rannsókna á foki af jökulsöndum
• Þriggja mánaða söfnun án dælingar á þrávirkum lífrænum efnum úr andrúmslofti
• Heils árs söfnun án dælingar á þrávirkum lífrænum efnum úr andrúmslofti

Svartárkot (áður Hveravellir) og Reykjavík (áður Rjúpnahæð):

• Mánaðarsýni af úrkomu fyrir Jarðvísindastofnun vegna samsæturannsókna

Írafoss og Reykjavík (mælireitur VÍ), áður einnig Rjúpnahæð:

• Mánaðarsýni af úrkomu fyrir Geislavarnir ríkisins til mælinga á geislavirkni
  
  

Mælireitur Veðurstofu Íslands

Mælireiturinn við Bústaðaveg í Reykjavík. Ljósmynd: Jóhanna M. Thorlacius 18. desember 2007

Veðurstofan vaktar ekki loftgæði í Reykjavík en það gerir Umhverfisstofnun.