Hafís í júlí 2007

Lítið var um hafís í júlí og Landhelgisgæslan fór ekki í könnunarflug í mánuðinum. Ein tilkynning barst þó, og var um ísdreifar og jaka að ræða langt frá landi eða 67°05N og 30°18V og suður að 66°33N og 30°09V. Hæg norðaustlæg eða breytileg átt var ríkjandi á Grænlandssundi í mánuðinum og virtist ísinn skv. gervitungalupplýsingum fara mjög minnkandi eftir því sem leið á mánuðinn.