Haf- og borgarís í september 2006

Athugið að myndin stækkar ef smellt er á hana.

Landhelgisgæslan fór ekki í ískönnunarflug í þessum mánuði enda hafís fjarri landi allan mánuðinn.

Lítill ís var við Grænlandsstrendur og engar fregnir bárust af hafís en tvær borgarístilkynningar bárust til Veðurstofu þennan mánuð. Önnur var þ. 6. og voru þá tveir stórir borgarísjakar u.þ.b. 60 sml. vestur af Straumnesi. Hin barst þ. 11 og var þá um einn stóran borgarísjaka að ræða og var hann enn fjær landi en hinir fyrrtöldu.

Norðaustanátt var tíðust í Grænlandssundi í september.