Hafís í janúar 2004
Athugið að myndin stækkar ef smellt er á hana.
Landhelgisgæslan fór einu sinni í ískönnunarflug í mánuðinum, þ. 28. Ísjaðarinn var þá nokkuð innan við miðlínu og næst landi u.þ.b. 50 sml. NV af Deild. Þéttleiki ísbrúnarinnar var víðast hvar 7-9/10 en þó stórar vakir, íslausar á stöku stað. Tungur lágu utanvið 4-6/10 að þéttleika og töluvert var um nýmyndun.
Norðaustanátt var tíðust í Grænlandssundi í janúar.
