Hafís í apríl 2004
Athugið að myndin stækkar ef smellt er á hana.
Landhelgisgæslan fór ekki í ískönnunarflug í apríl, enda ís hvergi nærri og fáar tilkynningar bárust um hafís.
Einu tilkynningarnar sem bárust komu frá sjófarendum um miðjan mánuð. Þ. 15. var tilkynnt um staka jaka talsvert norður af landinu. Þ. 16. bárust sömuleiðis fregnir af dreifðum ís norður af landinu auk þéttrar ísrandar Íslandsmegin við miðlínu.
Nokkrar borgarístilkynningar bárust Veðurstofu og voru þeir borgarísjakar allir langt frá landi.
Norðaustanátt var ríkjandi í Grænlandssundi í apríl.
