Hafís í september 2004
Athugið að myndin stækkar ef smellt er á hana.
Landhelgisgæslan fór ekki í ískönnunarflug í september.
Eingöngu var tilkynnt um borgarís þennan mánuðinn og var það nánast allt í fyrstu vikunni. Flestir jakarnir voru uppundir landi á Skjálfandaflóa en fyrsta dag mánaðarins voru þó einnig jakar á Húnaflóa. Um miðjan mánuð var u.þ.b. 5 metra hár borgarísjaki ásamt borgarbrotum í mynni Ólafsfjarðar.
Síðari hluta september bárust engar ístilkynningar.
Borgarísinn þennan mánuðinn var nokkuð austar en í sama mánuði undanfarin ár.
Norðaustanátt var ríkjandi í Grænlandssundi í september.
