Veðurstofan hefur styrkt björgunarsveitir landsins með kaupum á Neyðarkallinum undanfarin ár. Í vikunni bættust tveir nýir kallar í hópinn frá björgunarsveitunum Kofra í Súðavík og Sæbjörgu á Flateyri, í tilefni 30 ára minningar um mannskæð snjóflóð. Afhending fór fram á Snjóflóðasetri Veðurstofunnar á Ísafirði, þar sem starfsfólk tók við köllunum frá formönnum sveitanna. Veðurstofan er stoltur bakhjarl björgunarsveita og þakkar þeim fyrir óeigingjarnt starf. Lesa meira

Haustið er undirbúningstími hjá snjóflóðavakt Veðurstofunnar. Tryggja þarf að sjálfvirkir snjómælar, sem mæla snjódýpt og hitastig, séu tilbúnir fyrir veturinn. Í ár hefur viðhaldsverkefnið verið umfangsmikið þar sem skipta þurfti út mörgum mælum sem nýttu eldri fjarskiptakerfi. Með fréttinni fylgja myndir frá krefjandi aðstæðum í fjallshlíðum. Lesa meira

Hættumat á Reykjanesskaga helst óbreytt til 25. nóvember. Aflögun undir Svartsengi heldur áfram, þó hægar, og óvissa er um næsta atburð. Jarðskjálftavirkni við Grindavík er lítil og í Krýsuvík hefur dregið verulega úr skjálftum. Aflögunarmælingar sýna áframhaldandi kvikusöfnun, en hraði innstreymis minnkar. Lesa meira

Októbermánuður var tvískiptur og bauð bæði upp á hlýja og kalda daga. Fyrri hluti mánaðarins var mjög hlýr en seinni hlutinn var kaldur og talsverður snjór var á norðurhluta landsins. Þann 28. snjóaði óvenjumikið á höfuðborgarsvæðinu. Að morgni þess 28. mældist jafnfallinn snjór í Reykjavík 27 cm og þann 29. mældist snjódýptin 40 cm. Það er langmesta snjódýpt sem mælst hefur í októbermánuði í Reykjavík. Snjórinn  olli miklum samgöngutruflunum og umferðaröngþveiti í borginni.

Lesa meira