Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Suðvestan og sunnan 8-15 m/s í dag og snjókoma eða él, en þurrt á austanverðu landinu. Frost 1 til 7 stig.
Skúrir eða él sunnanlands í kvöld og hlýnar heldur.
Suðaustan 8-15 á morgun og rigning eða slydda með köflum sunnanlands, en úrkomulítið á Norðurlandi. Hiti 0 til 6 stig. Gengur í norðvestan 10-18 með snjókomu og frosti á vestanverðu landinu síðdegis.
Spá gerð: 25.02.2026 05:25. Gildir til: 26.02.2026 00:00.
Veðurhorfur á landinu næstu daga
Á fimmtudag:
Suðaustan 8-15 m/s og rigning eða slydda með köflum, einkum sunnanlands. Hiti 0 til 6 stig. Gengur í norðvestan 10-18 með snjókomu og frosti á vestanverðu landinu síðdegis.
Á föstudag:
Vestan 8-15 og él eða snjókoma, en léttir til á austanverðu landinu eftir hádegi. Frost 2 til 9 stig.
Á laugardag:
Austlæg átt og slydda eða snjókoma með köflum, en þurrt norðanlands fram undir kvöld. Hlýnar heldur.
Á sunnudag:
Breytileg átt og líkur á éljum í flestum landshlutum. Hiti um og undir frostmarki.
Á mánudag:
Norðlæg átt með slyddu eða snjókomu austanlands, éljum norðantil, en þurrt að mestu sunnan heiða. Hiti breytist lítið.
Á þriðjudag:
Útlit fyrir suðlæga átt með rigningu, slyddu eða snjókomu, einkum á sunnanverðu landinu.
Spá gerð: 24.02.2026 20:53. Gildir til: 03.03.2026 12:00.
Hugleiðingar veðurfræðings
Í dag er útlit fyrir suðvestan- og sunnanátt á landinu. Algengt verður að vindhraði verði á bilinu 8-15 m/s, þó ber að taka fram að vindhraða verður nokkuð misskipt í dag, bæði milli landshluta og einnig breytilegur með tíma innan sama landsvæðis. Á austanverðu landinu eru horfur á þurru og björtu veðri. Annars staðar nú í morgunsárið eru víða él, en um og eftir hádegi er gert ráð fyrir að úrkomusvæði með snjókomu fari yfir vesturhelming landsins frá suðri til norðurs. Snjókoman innan þessa úrkomusvæðis er misjafnlega áköf, en það getur snjóað talsvert um tíma þar sem "best lætur". Frost um allt land í dag, á bilinu 1 til 7 stig.
Í kvöld skiptir yfir í skúri eða él sunnanlands og hlýnar heldur.
Á morgun er síðan suðaustan 8-15 og rigning eða slydda með köflum í kortunum sunnanlands, en úrkomulítið á Norðurlandi. Hiti 0 til 6 stig. Við vesturströndina á morgun verður skarpur skilabakki og gert er ráð fyrir að hann gangi inn á vestanvert landið seinnipartinn með norðvestan 10-18, snjókomu og ört kólnandi veðri.
Það er síðan vestlæg átt í vændum á föstudag. Él eða snjókoma víða um land framan af degi, en eftir hádegi ætti að hafa létt til norðaustan- og austanlands. Frost um allt land, yfirleitt á bilinu 2 til 7 stig.
Spá gerð: 25.02.2026 06:44. Gildir til: 26.02.2026 00:00.
Tengt efni
Fróðleiksgreinar
Spáforsíða
Stutt lýsing á kortum og staðarspám á spáforsíðu.
Lesa meiraViðvörunarkerfi Veðurstofunnar
Viðvörunarkerfi Veðurstofunnar byggist á alþjóðlegum staðli sem kallast CAP (Common Alerting Protocol) og er stafrænt snið fyrir miðlun neyðartilkynninga og viðvarana um náttúruvá. Útgefin skeyti eru á stöðluðu formi sem samræmir alla miðlun viðvarana yfir mismundandi samskiptaleiðir og miðla. Hvert CAP skeyti inniheldur upplýsingar um þá náttúruvá sem varað er við, landshlutann sem viðvörunin nær til, gildistíma og mat á því hversu mikil áhrif umrædd vá getur haft á samfélagið.
Lesa meiraJólasnjór í Reykjavík
Á 95 ára tímabili frá 1921 til 2015 voru 43 jóladagar hvítir í Reykjavík. Hér má finna lista um snjódýpt og snjóhulu á jóladagsmorgunn í Reykjavík. Örfá ár vantar inn í listann.
Lesa meiraTíðavísur úr Flatey
Karl Guðbrandsson símstöðvarstjóri í Flatey var veðurathugunarmaður þar á árunum 1966 til 1971. Fyrir kom að hann sendi kviðlinga með veðurskýrslunum og þar á meðal tíðavísurnar hér að neðan.
Lesa meiraEldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica