Síðasta athugun
Þann:
Staðaspár -
Textaspá fyrir allt landið
Veðurhorfur á landinu
Norðaustan 8-15 m/s sunnanlands og snjókoma með köflum, en gengur í austan 13-20 syðst í kvöld. Hægari vindur á Norður- og Austurlandi og lítilsháttar él.
Dregur úr vindi á morgun og styttir upp eftir hádegi, en áfram dálítil él norðan- og austanlands. Frost 4 til 19 stig, kaldast inn til landsins.
Spá gerð: 30.12.2024 15:46. Gildir til: 01.01.2025 00:00.
Veðurhorfur á landinu næstu daga
Á miðvikudag (nýársdagur):
Norðvestlæg eða breytileg átt 5-13 m/s og bjart að mestu, en stöku él norðaustantil. Frost 4 til 18 stig, kaldast inn til landsins. Þykknar upp vestanlands undir kvöld.
Á fimmtudag:
Norðvestan 8-13 og víða él, en yfirleitt þurrt suðaustantil. Hægari seinnipartinn. Frost 0 til 10 stig, kaldast austanlands.
Á föstudag:
Breytileg átt 3-10 og él, en þurrt að kalla um landið norðaustanvert. Hiti breytist lítið.
Á laugardag:
Snýst í norðlæga átt með lítilsháttar éljum, en léttir til sunnan heiða. Herðir á frosti.
Á sunnudag:
Köld norðanátt og él, en úrkomulítið sunnantil.
Spá gerð: 30.12.2024 08:33. Gildir til: 06.01.2025 12:00.
Hugleiðingar veðurfræðings
Snjókomubakkinn sem gekk yfir suðvesturhluta landsins í nótt og í morgun er nú yfir Suðausturlandi. Í kvöld þokast hann til vesturs og það hvessir syðst á landinu, austan hvassviðri þar undir miðnætti og hríð með versnandi akstursskilyrðum. Í fyrramálið verður bakkinn við suðvesturströndina og þá gæti snjóað á suðvesturhorninu en talsverð óvissa er í spánni.
Á morgun fjarlægist bakkinn, það dregur úr vindi og styttir smám saman upp, en á Norður- og Austurlandi má búast við lítilsháttar éljum. Talsvert frost.
Þegar nýtt ár gengur í garð verður því kalt og rólegt veður víðast hvar á landinu og á höfuðborgarsvæðinu er því hætt við talsverðri flugeldamengun.
Á nýársdag er svo útlit fyrir að vindur verði fremur hægur, yfirleitt þurrt og áfram kalt í veðri.
Spá gerð: 30.12.2024 15:44. Gildir til: 31.12.2024 00:00.
Tengt efni
Fróðleiksgreinar
Eldri fróðleiksgreinar
Veðursíminn
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
Þetta vefsvæði byggir á Eplica