Spá um snjóflóðahættu - Tröllaskagi utanverður
-
fös. 29. mar.
Töluverð hætta -
lau. 30. mar.
Töluverð hætta -
sun. 31. mar.
Töluverð hætta
Mikið er af nýjum snjó á svæðinu. Vindflekar og nýsnævi í flestum viðhorfum. Fremur stórt snjóflóð féll í Héðinsfirði með fjarbroti á þriðjudag sem er vísbending um viðvarandi veik lag.
Snjóflóðavandi á svæðinu
-
Tegund
-
HæðÖll hæðin
-
Viðhorf
-
Líkur
-
Stærð
Víða eru þykkir vindflekar til staðar til fjalla eftir mikla snjókomu í N-NA áttum. Vindfleka gæti verið að finna á flestum viðhorfum.
-
Tegund
-
HæðOfan 700 m.
-
Viðhorf
-
Líkur
-
Stærð
Stórt sleðaflóð með fjarbroti í Héðinsfirði er vísbending um viðvarandi veikt lag. Veikleiki við hjarn í gryfju við Siglufjörð.
Lagskipting snævar og snjóþekjan
Mikið af nýjum snjó er á svæðinu undan norðan stórhríð fyrir síðustu helgi, síðan þá hefur éljað og skafið talsvert í NA-átt. Snjógryfja frá Illviðrishnjúki 26.mars sýndi skafsnjó og nýsnævi ofan á hjarni. Veikleiki á lagmótum við íslinsu, samþjöppunarpróf gaf slétt brot við miðlungs álag. Tvær nýlegar gryfjur frá Siglufirði sýndu fremur veikan vindfleka ofan á eldri snjó og kantaða kristalla og djúphrím á lagmótunum. Allmörg snjóflóð hafa fallið að undanförnu og er snjór óstöðugur áfram. Þykkir vindflekar eru í öllum viðhorfum og talsvert skafrenningsfóður er til fjalla.
Nýleg snjóflóð
Fremur stórt snjóflóð féll í Héðinsfirði 26.mars eftir snjósleðaumferð í botni dalsins. Stórt flekaflóð féll úr Ósbrekkufjalli út í sjó á föstudagsmorgun. Tvö stór snjóflóð féllu á Ólafsfjarðarveg aðfaranótt laugardags. Einnig féll snjóflóð á Siglufjarðarveg vestan við Strákagöng og eitt við Illviðrishnjúk. Flóð féllu úr Mjóageira og Merkigili að stærð 3 og 3.5 ofan Dalvíkur og annað af stærð 4 í Karlsárdal. Tilkynnt var um snjóflóð í Ólafsfirði að stærð 2-3.5 í Arnfinnsfjalli, Ósbrekkufjalli, Auðnahyrnu og Bustabrekkudal sem fallið hafa á föstudag eða aðfaranótt laugardags.
Veður og veðurspá
Áframhaldandi él og skafrenningur til fjalla næstu daga og viðvarandi N-NA átt og kalt í veðri. Hvessir á föstudag og laugardag.