Textaspá - Yfirlit
Hugleiðingar veðurfræðings
Það er hægfara lægð skammt vestur af landinu og því suðlæg átt, en vindurinn er talsvert hægari en í gær, yfirleitt á bilinu 5-13 m/s.
Dálitlar skúrir og milt veður, en súld eða rigning með köflum austantil, einkum suðaustanlands. Þar styttir upp seinnipartinn á morgun, en áfram má búast við skúrum á á vestanverðu landinu og heldur meiri úrkomu á miðvikudag.
Spá gerð: 20.05.2024 06:36. Gildir til: 21.05.2024 00:00.
Veðuryfirlit
Skammt V af Snæfellsnesi er heldur vaxandi 992 mb lægð, sem þokast V og síðar SA. Yfir N-Grænlandi er 1032 mb hæð.
Samantekt gerð: 20.05.2024 07:18.
Veðurhorfur á landinu
Sunnan 5-13 m/s, en hvassara við norðurströndina í fyrstu. Dálitlar skúrir á víð og dreif, en súld eða rigning suðaustantil. Hiti 6 til 13 stig, hlýjast á Austurlandi.
Skúrir um landið vestanvert á morgun, en dálítil rigning austanlands. Hiti yfirleitt 5 til 10 stig.
Spá gerð: 20.05.2024 03:32. Gildir til: 21.05.2024 00:00.
Veðurhorfur á höfuðborgarsvæðinu
Sunnan 5-10 m/s og stöku skúrir, hiti 5 til 10 stig.
Spá gerð: 20.05.2024 03:35. Gildir til: 21.05.2024 00:00.
Veðurhorfur á landinu næstu daga
Á miðvikudag:
Suðvestan 5-13 m/s og skúrir, en norðaustlægari og rigning á Vestfjörðum. Hiti víða 5 til 10 stig, en þurrt að mestu og heldur hlýrra á austanverðu landinu.
Á fimmtudag:
Suðlæg eða breytileg átt, 3-10 m/s og víða skúrir eða slydduél, en gengur í suðaustan 8-13 með rigningu á vestanverðu landinu um kvöldið. Hiti 3 til 12 stig, hlýjast eystra.
Á föstudag:
Stíf suðaustanátt og rigning eða súld, en hægara og úrkomulítið austantil. Hiti 9 til 16 stig, hlýjast norðaustanlands.
Á laugardag:
Austlæg átt, víða kaldi og lítilsháttar væta, en bjartviðri norðan heiða. Hlýtt í veðri.
Á sunnudag:
Útlit fyrir suðaustanátt og rigningu með köflum, en að mestu þurrt á Norðurlandi. Kólnar heldur í veðri.
Spá gerð: 20.05.2024 07:37. Gildir til: 27.05.2024 12:00.
Textaspár eru skrifaðar af vakthafandi veðurfræðingi á Veðurstofu Íslands.
Leit á vefsvæðinu
Aðrir tengdir vefir
Samskipti
© Veðurstofa Íslands | Bústaðavegi 7-9 | 105 Reykjavík | Sími 522 6000 | Kennitala 630908-0350
Hafa samband | Starfsfólk | Notkunarskilmálar | Veftré | Spurt og svarað um vefinn
| Persónuvernd
